政情：陳恒鑌為追霜 「拋妻棄女」
香港大帽山罕有地結霜，唔少市民都去「追霜」，連立法會議員陳恒鑌（Ben）都係其中一分子，尋日凌晨四點幾揸車聯同友人上大帽山，不過就冇預太太及囡囡隨行。
驚佗B老婆及囡囡捱唔住
Ben透露，太太知佢準備出發賞霜時，一度反問「乜我冇得上吖」，其後又建議Ben帶囡囡賞霜，最終Ben以太太懷孕及擔心囡囡未必捱得住嚴寒天氣為由，只同友人一同追霜。
Ben又自爆，原本打算帶兩箱熱維他奶到大帽山派街坊，殊不知只係到大帽山道一帶，就遇上封路冇得再往上前進，最終兩箱維他奶惟有留番自己飲。不過，即使未能登頂，Ben對於人生首次見到落冰粒落到撻撻聲，有啲落到佢塊臉就變成水，感到非常難忘！