市民慳住買 年貨恐滯銷
【專案組報道】不少市民正準備辦年貨過年，但近期股市下挫，經濟前景不明朗，不少人「損手」收場，惟有「縮皮」過年。有賀年糖果店訴苦，今年市民明顯「手緊咗」，生意已較往年暴跌四成；而時裝店業界亦反映市民消費時更手緊，對今年農曆新年生意「打定輸數」。記者近日亦在旺角一帶訪問五十人，近九成受訪者都坦言會減少新年開支，一半人稱會大減七成消費，主要在飲食、衣物及旅行方面。更有七成人直言憂慮本港經濟繼續轉差，務求「慳得就慳」。
近日股市急挫，恒生指數更一度急瀉七百多點，跌穿一萬九千點，令不少市民一殼眼淚，過年都減少消費。「今年生意差咗四成，晚晚都擔心啲貨賣唔晒，瞓得唔好！」在花園街經營攤檔逾二十年的葉太訴苦，今年市民購物意欲明顯下降，雖已購入更多新款賀年糖果應市，但生意仍較往年跌近四成。她透露，其攤檔平時售賣水果，每逢過年前就會轉賣賀年糖果「賺多啲啲」，惟銷情慘淡，擔心大批貨品會滯銷。
股市下挫拖累消費力
「以前都會喺新年前去髮型屋染髮，今年決定慳啲，自己整。」任職售貨員的張小姐稱，過去幾年經濟環境較佳，新年都會「豪番次」，惟近期經濟轉差，股票蝕錢，加薪及花紅都不理想，新年要節衣縮食。
市民雖左慳右慳，但有受訪者直言「派利是唔慳得」，因一年僅一次，而近八成人都指派利是的金額不會「縮皮」。而「擔心經濟變差」則是所有受訪者減少過年開支的最大影響因素。中文大學商學院助理院長李兆波指，股市跌令市民手頭資金縮水，削弱消費力。