灣仔：後巷堆垃圾 食署塞責
「好似變咗露天垃圾站咁，半條後巷都堆滿垃圾。清完隔幾日又打回原形，見到都覺得肉酸！」於灣仔上班的關先生指，克街後巷時有大量垃圾堆積，有損市容整潔，且持續多時仍未見改善，「之前《東方》先話灣仔好多後巷都係衞生黑點，原來報道完，食環都冇好好反省！」
去年接五投訴無檢控
食物環境衞生署發言人證實，於二○一五年曾經接獲五宗相關投訴，但是從未有提出任何檢控。
發言人又同時承諾，將會繼續留意涉事地點情況，以及採取適當行動。
「放個牌喺度話棄置垃圾會畀人檢控，但原來成年流流長，連一單檢控都冇，難怪啲人丟垃圾丟到習慣成自然啦！」關先生不滿食環署執法不力，以致違規者漠視法紀，促請日後多加巡察以糾正問題。