大埔：車霸行人路 阻塞釀險
「條街係少人行啲，但係都唔代表佢可以將啲車泊上行人路，成半架車泊咗上嚟，萬一撞到人咁點算？」呂小姐指大埔懷善街只有一條行車線，卻不時有人將車輛泊於馬路及行人路，除阻塞通道，更擔心車輛會對途人造成危險。
警方發言人表示，一向關注上址一帶的車輛違泊問題，在過去三個月雖未曾接獲相關投訴，惟一直有於上址巡邏並向非法停泊的車輛發出十一張告票。警方會繼續對違例車輛採取適當行動，確保道路使用者的安全。
促警「日日巡」
「就算冇人投訴都好，警方都應該要日日巡，我成日買餸經過都見到有車泊咗喺度，有時仲唔止一架，但佢就只係發咗十一張告票，咁好明顯係巡查唔夠。」呂小姐質疑警方執法不力，要求若發現違規情況應即時執法而不予警告，以加強阻嚇性。