立法會尋日又再流會，係審議版權條例草案以來嘅第三次。社民連梁國雄繼續將流會責任推卸畀建制派，強調只要四十幾位建制派議員坐定定喺會議廳，任泛民點玩都唔會流會。工聯會黃國健就反駁，流會主因喺泛民狂點人數拉布同集體缺席會議，冇理由唔追究縱火嘅人，反而去怪責救火嘅建制派。不過，如果負責救火嘅人冇盡到力，令火勢一發不可收拾，亦都需要付上一定責任囉！
