做過平等機會委員會委員嘅立法會議員謝偉俊日前爆料，指任期仲有三個月就屆滿嘅平機會主席周一嶽（廢鑊），有入紙申請角逐連任。
廢鑊尋日現身一個少數族裔相片展，全程只談少數族裔問題，拒絕證實或否認有關消息。唔通佢擔心自己會講多錯多，影響連任機會？
廢鑊任內被指偏袒性小眾團體，漠視家長、教育界同宗教團體嘅意見，又多次私自擴權同增加平機會嘅高層職位，令部分社會人士對佢嘅表現劣評如潮。記者叫廢鑊為自己嘅任內表現評分，佢就立即耍手擰頭，又強調自己得到平機會委員及同事支持，自我感覺依然良好。如果政府真係幫佢續任，就再次證明政府優劣不分、專用廢人！
