大膽司機續接客：謹慎啲就得
【本報訊】「佢講就講有啦，信住先啦。」對於有Uber司機被判刑，現時仍繼續接客的Uber司機「阿輝」（化名）表示自己感到十分矛盾，雖然有司機「中招」令他覺得擔心，但自己對Uber仍有信心，坦言：「咁大間公司唔會開空頭支票啩？應該會有環球保險嘅，信住先啦，會繼續做落去。」不過，他強調日後接客一定會變得更謹慎，不諱言：「始終怕警方放蛇！以後會小心揀客，見到有老有嫩嗰啲應該冇問題，自己會聞到味嘅！」
保險聲明 「信住先啦」
去年十月開始兼職做Uber司機的阿輝，斥資七十萬元購買房車，目前平均每星期可賺取八千元，收入可觀。他指Uber司機會收到Uber發出的電郵，聲稱會受到環球保險保障，亦會為司機提供相關法律支援，雖然由簽約至今他從未見過實質文件證明，但他坦言只靠個「信」字，又認為：「咁大間公司唔會開空頭支票啩？」他又指，Uber司機平時單靠電郵與Uber總公司溝通，今後會留意事態最新發展，相信Uber會向司機解釋事件。
儘管擔心會被警方拘捕及面臨停牌罰款，但阿輝表明會繼續做下去，他認為現時市面充斥太多「黑的」及拒載情況，對現時的士行業感到不滿，坦言：「唔好畀的士壟斷……每個時代都有新嘢推出，一開頭通常都不被人接受。」他堅持社會需要進步，市民才可以有更多選擇，並且說：「希望Uber盡早同政府爭取合法，提供更好嘅服務質素畀大家。」