長沙灣：違泊霸巴士站 乘客難上落
「呢度下晝一定泊咗一、兩架車，有時係啲貨車有時係私家車，霸住晒個巴士站，搞到啲巴士要停喺馬路中間，我哋上落車都好危險！」何先生表示，長沙灣青山道近明愛醫院的巴士站常有車輛違例停泊，令巴士無法「埋站」，需在馬路中接載乘客，擔心容易發生意外。
過去一年發51告票
警方發言人證實，過去一年共接獲五宗相關投訴，期間向違泊車輛共發出五十一張定額罰款告票。發言人指，根據條例，任何人不得停放汽車以致對道路造成不必要的障礙，或對其他道路使用者造成不必要的危險。發言人強調，會繼續留意有關地點的情況並採取適當的執法行動。
「呢個站繁忙時間都好多車，巴士要喺馬路上落客，影響交通之餘又危險！」何先生促警方繼續加強執法，改善上址違泊問題，以免發生意外。