紛離港唔做選舉工程
適逢今年係選舉年，除咗功能界別議員外，一般有意競逐連任嘅直選議員，都會乖乖哋留港做選舉工程，但係今次竟然有兩名直選議員仲咁得閒去外訪，到底係想趁離任前洗晒啲錢，定係諗住坐定粒六，有信心保得住個議席呢？
五位議員入面，張超雄同阿涂都係直選產生，而阿涂更係經超級區議會產生。地區直選及超級議員一向都好大競爭，選舉工程做少啲都唔得，況且兩人都係想連任，依家仲趁機出去外訪，真係對選情咁老定？
至於葉國謙，之前傳過佢唔會連任區議會功能界別議席，唔知係咪因為咁，所以就趁機會使埋筆外訪津貼呢？