違泊車龍 塞爆柏架山道
車輛一條龍列隊違泊，救援服務或受阻！有鰂魚涌居民指出，柏架山道自然徑起點經常有多架車輛違例停泊，車龍更阻塞路口，令駛經司機被迫越線行駛，亦有車輛公然霸佔行人路，除構成馬路陷阱外，亦有阻礙救援車輛的風險，消防處於過去三年在上址接獲逾百宗緊急召喚。區議員直指問題已持續多時，促請相關部門早日加強執法，以避免不必要的人命傷亡。
「條路本身係雙線雙程，但係兩邊成日都泊滿晒車，有啲仲要剷上行人路，直頭係當正條街係免費咪錶位！」鰂魚涌居民李先生每日均會到柏架山道自然徑晨運，指山腳處一段柏架山道違泊問題嚴重，馬路左右兩旁不時泊有車輛，車龍更由道路盡頭蜿蜒至英皇道出口，以致由鰂魚涌街右轉的車輛受阻，被迫逆線行車再切雙白線繞行，「周不時都有啲車塞死個路口，大車都照係咁泊。有咩理由你貪方便，但就焗其他司機違法？」
途人穿插車罅始能過路
不過，最令李先生擔心的，是違泊車龍有機會阻礙緊急救援服務，屆時或會危害市民生命財產，「如果嗰度火燭，消防車泊唔到埋去咁點算？又或者有行山人士暈低咗，啲救護車上到去冇位掉頭，又會唔會搞出人命？」
記者曾數次實地視察，發現不論早晚均全天候泊滿汽車，封鎖下山方向行車線，有部分在行人路停泊，大批行山人士需穿插車輛之間，方能橫過馬路，更有旅遊巴遮擋路口。涉事路段疑已成為違泊熱點，有司機駛至發現「爆滿」隨即掉頭。記者早前已向執法部門反映問題，惟其後重返現場，違泊車輛卻是有增無減。
警方發言人證實，由一四年十二月至一五年十一月，東區警區共接獲二十宗相關投訴，期間共向違規司機發出五十五張定額罰款告票。發言人同時承諾，會繼續留意有關情況，以及加強執法。
消防處發言人則指出，一三年至一五年十一月底間，柏架山道共接獲三十二宗火警召喚、十宗特別服務召喚，以及七十四宗救護服務召喚，惟期間緊急召喚服務未有受到影響。
車主看準抄牌數字偏低
「其實呢頭都有好多車違泊，一三年嗰陣試過有拾荒者堆積嘅雜物着火，波及埋附近啲車輛！」東區區議員丁江浩表示，涉事路段一帶違例停泊問題已持續多時，估計成因為區內車位供應有限，及有車主看準抄牌數字偏低，「貪方便、貪平」隨意停泊。丁促請執法部門多加巡查，以減低潛在風險，「警方都有不時過嚟巡，但係呢度係行山熱點，附近又多民居，有需要加強執法。」
投訴組