內地用人新導向堅持德才兼備，以德為先，可見知人善任，用當其時，無德即使有才，都未算是「選賢任能」。港產高官則一味要「好打得」，那種囂張跋扈，全都活脫脫寫在臉上。同文說，在港產官僚中，政務司司長林鄭月娥被譽為「好打得」，其實，她不僅「好打得」，而且「好噏得」，先有「官到無求膽自大」，後有「百毒不侵」，可謂妙語連珠。
這位「好打得」司長，在立法會上被議員批評在退保問題上，一味篤數恐嚇市民，且製造矛盾挑撥長者與年輕人對立，要求主其事的林鄭道歉，誰知一早得到上帝眷顧，「天堂已經預咗個位畀佢」嘅林鄭，連「豈能盡如人意，但求無愧於心」嘅話都唔想講，八字真言噴向議員：「百毒不侵，不會道歉」！
做官做到林鄭咁有氣勢，那又豈只是「膽自大」，你大可以歌頌佢係「時窮節乃見，一一垂丹青」；你亦可以畀個「讚」佢：一怒而諸侯懼，安居而天下熄！Man成咁，做佢男人真有福！難怪一眾高官如吳得掂之流，要死(舌累)住呢位奶媽！
有學者說要使學術爭論健康地展開，真正做到百家爭鳴，推動學術水平提高，而又心情舒暢，知無不言，言無不盡，還得講究一下爭鳴的風度，那就是第一大家都平等，有權講道理。
第二道理要科學，能夠說服人。
第三共同的語言，一致的口徑。
第四道理要講透，態度要正確。
其實，諮詢亦然，可惜「好打得」在全民退保諮詢上，一開始就先定立場，並否定學者周永新教授及其團隊的研究，擺出自己是武則天嘅大家姐——武得傾！做官的沒有風度只有霸道：我噏乜，你要聽！勇武抬頭，官場開了霸王花！