政情：三個「新民」 爭掌青委博上位

各大政黨嘅青年組織主席，一向被視為黨內第二梯隊上位嘅良機，據悉新民黨青年委員會主席於本月底換屆，基於青委會兩名前任主席，即新任屯門區議員甘文鋒及南區區議員陳家珮均成功於地區突圍企穩陣腳，因此今次改選吸引黨內最少三名靚仔、靚女爭做主席，包括金融分析師洪龍荃、於投資銀行任職嘅王政芝（Gigi）及海上絲綢之路協會嘅青年機遇委員會副主席王家揚。

洪龍荃早前話，自己一直有投放時間喺黨務，如果黨內需要佢，即使唔係做主席佢都好樂意。分析指，王家揚嘅優勢係有份參與黨主席葉劉淑儀有份創辦嘅海上絲綢之路協會嘅工作。洪龍荃同Gigi同樣有選舉經驗，雖則齊齊於約兩個半月前嘅區議會換屆選舉落敗，前者輸少於一百票，後者則輸二百多票，外界估計，接任青委會主席都要有心理準備，隨時為該黨於未來選戰披甲上陣。

第一手消息請下載on.cc東網iPhone/iPad/Android/Windows Phone Apps