葵芳：公眾座椅淪私人雜物房
「嗰度啲櫈成日都畀人當咗做雜物房，用嚟擺晒一堆二堆嘅發泡膠盒！」居於葵芳的陳小姐指出，智芳街雖然設有附設上蓋的公眾座椅，惟有關座椅經常被鄰近店舖佔用，並堆放大量發泡膠盒，阻礙有需要人士使用。
食物環境衞生署發言人表示，上址座椅屬葵青區議會轄下的設施。接獲轉介後，該署已派員巡查，發現座椅上有發泡膠盒，並已安排潔淨服務承辦商清理。該署又指會繼續留意上址情況及採取適當行動。
「啲櫈係畀人坐同休息，唔應該用咗嚟擺雜物！」陳小姐要求食環署多加留意，避免有關公眾座椅遭佔用作其他用途，令有需要人士無法使用相關設施。