王閔多追求簡單生活

喺好多人心目中,模特兒嘅生活總係多姿多采,經常着靚衫、歎美食、去狂歡等,而喺現實中並唔係每個模特兒都係咁,好似王閔多就係一個追求簡單生活嘅人氣Model。

古典優雅

現年25歲嚟自廣州嘅王閔多,網名「安室-王閔多」,大家見到「安室」呢個名咪以為佢想成為歌手,阿妹表示其實係安於家室咁解。作為一個樣靚身材正嘅模特兒,閔多早已憑住一對誘人美乳喺寫真界成名,當時佢以性感嘅造型推出處女寫真集,激凸嘅上圍加上迷人嘅五官,輕易成為大家嘅焦點。此外,佢散發出一股迷人古典氣息,縱然換上性感內衣及花俏嘅比堅尼,仍難掩個人古典魅力,令男士神魂顛倒。

閔多憑住出眾嘅外形同古典優雅氣質,喺首屆時尚小姐比賽中獲得佳績,更令佢喺寫真界人氣飆升,經常喺時裝及潮流雜誌上亮相,又喺各大展覽會登場,當然唔少得拍廣告啦!不過阿妹最厲害及聰明嘅地方,係識得利用佢喺模特兒界嘅人脈同經驗,成為模特兒公司嘅藝人部總監,帶領後輩喺模特兒界發展,同時亦為未來創立個人事業打好基礎。

愛留家中

雖然閔多喺模特兒界有相當嘅人氣同地位,但佢一啲都唔嚮往紙醉金迷嘅生活,佢唔喜愛去蒲,最鍾意就係一個人靜靜地喺屋企。佢喺微博表示:「生活簡單就迷人,人心簡單就幸福。」講出佢追求簡單生活外,亦反映出佢做人嘅原則,就係唔想有太多斤斤計較同爾虞我詐。須知道不論喺模特兒界定商界,人與人之間總有好多猜測同猜度,尤其係一啲涉及需要同其他人溝通嘅工作時,呢種情況更係容易發生。

作為一位富有經驗嘅模特兒,若然經常將呢啲事掛上心,成日記住邊個跣過佢,邊個呃過佢嘅話,喺生活同工作上都會好唔開心,故此閔多表示:「删去不該留的人,拒絕不該見的人,忘掉不該記得的事,斬斷不該繼續的情,離開不該愛的人。」從呢段說話中不難睇得出阿妹待人處事嘅態度,亦可以見到佢對愛情嘅堅持,尤其係面對明知道冇結果嘅戀情時,佢唔會瞓身投入感情,以免自己受到傷害。不過從另一個角度嚟睇嘅話,唔通佢曾經受過情傷?咁就不得而知喇!講到未來發展,閔多除咗專注總監工作之餘,仍會繼續模特兒嘅工作,早前佢就推出咗寫真集,令粉絲不知幾開心!

個人微博

簡介:如果只係覺得王閔多係一位網絡乳神嘅話,咁就未免太過膚淺喇!事關佢唔單止擁有迷人嘅雙子峰,以及令男士暈晒大浪嘅靚樣,更重要係佢嘅古典氣質令人着迷。如果想更深入咁了解阿妹嘅話,就要去佢嘅個人微博睇吓。

網址:www.weibo.com/u/2081264383

王閔多Profile

出生地:廣東廣州

身高:168cm

三圍:34、27、33

撰文:魂