食水含鉛超標事件令政府成為眾矢之的，現有嘅水質化驗計劃未將鉛列入化驗項目，係受影響屋邨居民長年以來被迫飲鉛水嘅原因之一。水務署尋日急推新政策，於水質測試項目中新增鉛、鎘、鉻和鎳四類重金屬，以保障大廈食水質素，水務署署長林天星補鑊意味濃厚。不過咁做只係治標不治本，事關鉛水事件帶出另一個更大嘅問題，即係官僚心態作祟，唔知政府有冇決心對症下藥呢？
