政情：八網難逃：潘佩璆退而不休 稱減夫妻摩擦
立法會勞工界前議員、工聯會潘佩璆自從今屆冇做議員後，少咗喺媒體曝光，但就繼續開開心心做聯合醫院精神科顧問醫生。上個月底，因為佢已經六十歲而正式退休，仲喺榮休頒獎禮同九龍東醫院聯網總監徐德義嚟個大合照。
潘佩璆話，雖然夠鐘退休，不過個心都係想做嘢，所以得知醫管局邀請退休醫生以合約形式服務醫院，就決定繼續返醫院工喇，仲講笑話咁樣可以減少同太太日對夜對可能產生嘅摩擦喎！對於最近民建聯議員蔣麗芸發表對精神科言論，潘醫生就表明講法冇根據，要求佢道歉及收回言論添！
（互聯網）