東方報業集團及審計署先後多次揭發香港郵政經營不善兼管理混亂，其中上月發表嘅審計報告，揭露郵政員工一年嘅超時補水開支，竟然高達一點八億元。
原來除咗超時補水，香港郵政積壓嘅員工補假時數仲驚人，合計有成三十多萬個小時，以每日工作八小時，每年返足三百六十五日計，即係累積咗長達一百零二年嘅假期。雖然當局已成立專責小隊幫員工清假，但至今積壓住廿多萬個小時補假，隨時等到成個香港郵政摺埋都未放得完，名副其實係大混帳！
