縱然我哋今時今日都唔係咁重視中國傳統嘅節日，但正所謂冬至大過年，就算工作幾咁忙碌，都會喺呢一日抽出時間同屋企人食餐飯。不過對於內地人氣模特兒王凌宇嚟講，呢個日子更有特別嘅意義，除咗因為佢性格相當傳統外，更可以趁住呢個時間計劃未來發展嘅方向。
嚟自北京、今年25歲嘅王凌宇，英文名Kino，迷人外形足以配得上女神二字，事關佢唔單止擁有令男人神魂顛倒嘅外形，內在美同樣咁吸引。先講吓佢嘅外在美，俏麗樣貌加上魔鬼級嘅身材，實在叫人流晒口水，尤其係一對養眼車頭燈，相信冇男人可以抵擋得住雙峰嘅魔力。至於內在美，出生於傳統家庭嘅佢，相當重視傳統嘅中國節日，當中尤以冬至令佢有特別嘅感覺。原來佢細個時父母都要喺外地工作，可以聚首嘅日子就正正係冬至。此外，仲有另一個原因，就係佢嘅生日相當接近冬至呢個日子，為咗方便慶祝，因此每年冬至都係佢慶祝生日嘅時候，即係今日，唔知佢會同家人點慶祝呢？
事實上，憑住亮麗嘅外形，令佢投身模特兒行列冇耐，就火速吸引大家嘅注意，一輯性感迷人嘅寫真，不但展現出火辣身材，加埋勾魂嘅眼神及修長美腿，實在令人難以抗拒。除咗喺寫真界發展外，凌宇亦有接拍電視廣告、婚紗攝影等，又經常喺時裝雜誌上亮相，並且以時裝模特兒身份出席時裝騷。多元化嘅發展，不但證明阿妹實力非凡，亦代表佢工作態度認真，先至可以獲得咁多演出機會。
唔少人以為模特兒不過係一個僅得外在美嘅花瓶，然而呢個講法絕對唔適合套用喺凌宇嘅身上，事關阿妹經常計劃未來發展，並且思考人生嘅路向。好似佢曾經喺個人微博上表示：「一個人能走多遠決定權都在自己。爛牌與好牌只是相對的，只看你讓內心深處醜陋的自己佔據上風，還是堅強的自己佔據上風……這個世界沒有欠我們的，表現平平只因不夠努力，卻在意自己付出太多收穫太少。」咁哲理嘅說話，試問大家點估得到係出自呢位年輕美女呢？呢段說話嘅意思其實好簡單，就係唔好問有幾多回報，只要着眼自己盡力過幾多就得。
當然，凌宇嘅微博又唔會只得一味講哲理嘢，亦會同粉絲進行互動，好似佢早前得悉粉絲為佢建立咗一個群組，佢就即刻喺微博上多謝粉絲嘅支持，並且寫道：「我對粉絲要求只有一點，那就是只專一的支持我到最後。」難得阿妹喺百忙之中仲記得同粉絲進行互動，你話呢種咁親切嘅態度，粉絲又點會唔冧到爆，果真係一位女神！
個人微博
簡介：王凌宇迷人嘅外形已經叫人心動不已，加上佢極富思考性嘅博客留言，更體現出佢知性魅力。究竟佢嘅說話係咪真係咁發人深省？抑或只不過喺度無病呻吟？想知嘅話可以去佢個人微博，用自己對眼睛嚟檢定一下。
網址：www.weibo.com/u/5381462671
王凌宇Profile
出生地：北京
身高：175cm
三圍：35、23、35
撰文：魂