探射燈：飲食業生意料跌20%

酒樓業界預計冬至生意額會較往年下跌，情況不樂觀。

勢爆新「割喉戰」

「（營運）成本高咗好多，但係為咗搶生意，好多酒樓都惟有減住價嚟做。」香港餐飲聯業協會會長黃家和表示，市民消費意欲大幅降低，加上員工薪酬、食材價格等營運成本飆升，預料今年冬至生意額不如往年，「貴價酒席冇人幫襯，銷情最好係四千五百蚊以下嘅『平民餐』。」

• 胡珠預計，業界將會發起新一輪「割喉戰」吸客。

新光酒樓集團常務董事總經理胡珠亦指，今年酒樓業界情況絕不樂觀，生意額會較往年下跌百分之十至二十，「好多細酒樓已經開始做唔住，生意再差落去，之後可能會有執笠潮。」他預計業界將會發起新一輪「割喉戰」吸客，並加推低價特色菜式競爭求存。