政情：公民講場：「芬」感厭惡 無「蕙」再拗

今屆區議會選舉戰況激烈，其中青年新政游蕙禎在九龍城黃埔東選區與雙料議員梁美芬激戰，最後梁美芬成功連任。選戰過後，戰役似乎未曾平息，網上有言論批評黃埔東選民，直指選民視力有問題。梁美芬話，佢嘅支持者對於網上嘅批評好厭惡，叫游蕙禎「願選服輸」。佢仲話，如果一眾網民認為自己係爭取民主，就更加應該要尊重民意，尊重選舉結果。佢希望游蕙禎可以同自己嘅支持者講吓，乖乖哋唔好再發表攻擊性言論，以免社會撕裂現象更嚴重。