政情：袁莎妮變身「武裝分子」
香港總商會總裁袁莎妮（Shirley）尋日喺社交網站上載一張好得意嘅相，相中人戴上黑超及口罩，仲笠住頂帽，唔講真係唔知係佢。
「封嘴」避沙塵
Shirley留言話，總商會總部裝修工程已到最後階段，所以佢換上全副武裝進入地盤監工。
Shirley話，總商會係分階段局部裝修，期間運作如常。過去六個月辦公室不時沙塵滾滾，一時係燒焊味，一時係油漆膠水味。好似尋日佢要全副武裝，就係因為鋸緊木。咦？有膠水味？唔知係咪用樹脂黐木條呢？咁Shirley要小心啲喇，唔好好似立法會議員梁繼昌咁，見到啡色樹脂就大驚小怪。
（互聯網）