探射燈：飲食習慣差 便秘主因
便秘的成因眾多，註冊中醫師均指，都市人的生活及飲食習慣差是形成便秘的主要原因，有營養師則提醒市民，除了靠藥物外，健康的飲食習慣才為解決便秘的最佳方法。
註冊中醫師譚莉英指，港人熱愛打邊爐及燒烤，煎炸等熱氣食物容易導致脾胃濕熱。而辦公室久坐，缺少運動，則會令經絡不暢通，腸道「唔識郁」。她又指，現今港人捱夜，睡眠不足，導致肝火盛，腸道缺水，排便困難，而氣血虛弱及肺功能弱的人士亦會較難排便。
高纖食物助腸道蠕動
除了靠藥物，應如何從飲食方面解決便秘問題？尚營坊高級營養師黃凱詩表示，可從三方面預防便秘，「第一係要吸收足夠水分，每公斤體重就要吸收三十至三十五毫升嘅水分，按番自己體重飲相應嘅水。第二，要吸收足夠油分，一般人日常都夠嘅，但減肥嘅人就唔好一滴不沾，每餐至少要有一茶匙油。第三，多進食高纖維食物，好似生果、蔬菜、燕麥等，有助腸道蠕動。」