老婆：「老公，你話我今個星期六去飲着咩衫好呢？」
老公：「老婆，你着咩都咁好睇（口架）喇！」
老婆：「咁又係……不過又就快過年，我想買多幾對新鞋，你話好唔好？」
老公：「老婆，鞋唔可以亂買！你已經有好多高踭鞋，着太多其實對雙腳健康唔好。你腳痛，我心痛！着得舒服先係最重要。」
老婆：「咁要選擇咩鞋款同選擇鞋時要注意咩呢？」
老公：「等我話你知點選擇舒適嘅鞋喇！其實鞋對每個人都好重要，特別是患有糖尿病足（失去足部感覺）的病人，因為佢哋更需要好的鞋保護足部免受損傷。合適嘅鞋有助防止足部長雞眼、結繭、起水泡或損傷，避免因此受感染而需截肢。」
老婆：「我都知道休息係最簡單直接減少足部負荷同足底壓力嘅方法。」
老公：「醒目呀！其實對腳經過一整日郁動後會比早上略為脹大，所以喺黃昏時選購鞋係最佳時間。」
老婆：「而且穿着鞋頭較寬嘅鞋，可避免腳趾長期受壓，所以我着高踭鞋成日腳痛。」
老公：「係囉！而鞋底較厚、有避震軟墊嘅鞋，可減低鞋和足底之間嘅摩擦，都幾適合從事外勤工作嘅人。咁買鞋時最好係雙腳試着，並喺堅硬嘅地板上面行吓，試吓舒唔舒適。」
老婆：「明白晒！時候都唔早，都差唔多黃昏喇，你同我一齊去買鞋先，跟住去食個豐富嘅晚餐啦！」
職業安全健康局
www.oshc.org.hk