機場：登機閘口唔夠櫈 旅客焗企
「所有櫈都坐到滿晒，搞到有啲乘客等上機嗰時，想抖吓都冇地方。機場有咁多旅客，你話係咪失禮呀！影響晒香港形象！」黎先生早前在香港國際機場乘飛機外遊，發現504號登機閘口座位不足，不少旅客需席地而坐，有損香港旅遊之都聲譽，「啲人返自己國家嗰時，見到香港機場原來係咁樣，要好似小朋友咁坐晒喺地上，實畀人笑到面都黃。」
機管局：將增設座位
機管局發言人表示，涉事登機閘口所在的機場北衞星客運廊共設十個附設機橋的停機位，專供處理載客量較少的窄體飛機，共有約五百張座位供旅客使用，其中超過一百張設在涉事登機閘口附近。
發言人又證實，於過去十二個月共接獲三宗有關登機閘口座椅的投訴，已檢討客運大樓內座椅分布及數量，未來會在登機閘口增設座位。