呆萌嘅意思即係指個人反應鈍得嚟夠可愛，而冰山美人同呆萌只係一線之差，前者可以係反應好快，有種拒人於千里之外嘅感覺，而後者則係發自內心嘅反應遲鈍，卻係鈍得嚟仍覺吸引，咁唔知呢位嚟自內地嘅巨乳模特兒譚冰係屬於邊一類呢？
喺探討譚冰嘅性格之前，先講吓佢個名，原來有特別嘅意思。據佢解釋，譚冰二字解做「夜譚名芳，美艷若冰」，意思即係指夜晚講故事嘅美女，佢嘅容顏好似冰霜咁靚。嘩！個名真係好有詩意呀！
唔想咁文縐縐嘅話，我哋睇番啲實質又膚淺嘅嘢，就係阿妹嘅外形，被網民冠以巨乳女神嘅佢，顧名思義佢對車頭燈有幾咁養眼，一對38吋巨乳，呢個數字真係唔講得笑，而佢嘅美臀亦同樣有38吋之巨，呢副身材絕對係魔鬼級數，配合埋氣質十足嘅五官，豐腴得嚟又媚惑人心，難怪今年25歲嘅佢雖已非嫩模之列，但憑住迷人嘅外表及性感火辣嘅處女寫真作品，一炮而紅，極速喺男士們心目中留下深刻印象。事實上，呢位外形同氣質兼備嘅模特兒，更係具備內涵，原來佢畢業於北京聯合大學，擁有大學學歷，係一位知性美女。
雖然譚冰出道冇耐，但係已經喺寫真界及網絡界獲得超高人氣，更進軍埋廣告界及影視界，好似今年佢已先後演出多部微電影及拍攝廣告。有人話譚冰嘅成功係全靠一對驕人雙峰，又有人話佢極速冒起，係因為佢肯放膽展露美好身材，以性感形象示人，其實係喺現今模特兒界少有好似譚冰嘅成熟魅力至真。雖然以佢成熟之齡加入模特兒界，睇起嚟好似輸在起跑線，不過環觀現時內地嘅模特兒，絕大部分都係以年輕為主，唔係話年輕女模唔吸引，但卻少咗一份女人味，而呢點正係譚冰優勝嘅地方。
除此之外，佢有着一種古典得嚟又入屋嘅魅力，只要大家留意佢嘅眼神同埋笑容，就會發覺佢暗藏一種發自心底嘅誘惑，呢種正係佢迷人之處。當然，講到私底下嘅佢，卻同一般嘅少女無異，好似喺8月時，於外地進行攝影工作嘅佢，眼見自己孤伶伶喺酒店房時，就喺個人微博上慨嘆「春宵一刻值千金，願天下有情人終成眷屬！而我在……出差……」睇嚟呢位號稱冰霜嘅索模，都好恨有拖拍喎！
簡介：譚冰雖然自稱冰霜，但其實佢都幾熱情，尤其係對粉絲嘅留言更會一一回覆，呢種心思並唔係每個模特兒都做得到。當然，佢迷人嘅火辣身材至係最值得大家成為佢個人微博嘅追隨者啦！
網址：www.weibo.com/u/1637498844
出生地：廣東深圳
身高：173cm
三圍：38、25、38
撰文：魂