政情：今日你上鏡： 「夢」想成真 開社企咖啡店

香港青聯前副主席黃夢瑩（Monin、右）最近同一班朋友合資開設首間社企咖啡店OXONS，店舖位於剛開幕嘅香港專業進修學校馬鞍山校園內，夠晒特別。點解會開咖啡店呢？Monin話，早前聽港專校長陳卓禧講起校內仍未有食堂，於是佢就組班參與競投，結果憑結合社企及教育理念打敗飲食集團，仲用三個月時間趕工落成，過程好辛苦。Monin就話，希望用呢個平台教年輕人實現夢想，咁啱港專嘅咖啡調製師課程一向好多人報讀，經常需要搵咖啡店僱主開放畀學員參觀及實習調製，OXONS近在咫尺，就梗係義不容辭啦！