初試啼聲參加區議會選舉的青年新政（青政），其召集人梁頌恆早在區選謝票時已揚言要出戰立法會新界東補選，據知青政已經坐言起行，準備月底修章組黨，並計劃在明年立法會選舉派人出選九龍西、新界西及香港島三個選區，至於新界東則視乎明年二月補選成績再作決定。未報名已事先張揚，算不算是下定戰書，預先「霸位」呢？看來傳統泛民主派有得震、無得瞓喇！
梁頌恆承認青政有意在多區派人參選，但由於選舉經費不菲，所以要分優次，首選會派出女神游蕙禎出戰九龍西。「上次區選已經證明，游蕙禎同梁美芬一齊選就會有好多票，同梁美芬一齊選係佢呢世宿命，不過都要畀時間佢考慮。」梁補充，青政在九龍西有五個樁腳，之前選舉已經同街坊打好關係，相信贏面好大。其次是新界西，將會在「青衣孖寶」黃俊傑、葉荏碩中二擇其一。
既然青政大部分選區都有考慮過，九龍東又點呢？他指當區有東九龍社區關注組、慈雲山建設力量兩個傘後組織做地區工作，所以比較支持兩個組織出選。東九龍社區關注組陳澤滔就話，佢哋正積極幫成功當選的成員黃子健處理地區工作，目前未是合適時間考慮參選。