有調查發現，逾三分二受訪高小學生有補習，平均每周補成五個幾鐘頭，仲多過初中及高中學生，加埋啲學校功課、ＴＳＡ補課，仲有學彈琴、小提琴等等，非常忙碌。社會喺討論標準工時立法之餘，係咪都要傾吓搞番個標準學習時數呢？不過，對於自言讀書時已經一日睇一本書、一個月睇成三十本書嘅教育局局長吳克儉（吳得掂）嚟講，可能補五個幾鐘習都只係濕濕碎，最好喺全港中小學推動一日一書運動，之後仲要交份圖文並茂、最少有一千字嘅讀書報告畀教育局評核，咁啲學生先可以成材做到局長囉！
