政情：馬墉宜妙論珠寶業銷情

香港零售業近期銷售數字有跌無升，業界對此叫苦連天，香港鑽石總會創會會長兼主席馬墉宜（Lawrence）早前出席活動時，談及鐘錶及珠寶行業嘅市況，佢分析以上兩個行業嘅分別，指男人及女人都有機會買錶氹自己開心，但係買鑽石嘅絕大多數係女人；當問及是否指珠寶業銷情一般，佢笑笑口話，「如果男人買隻幾十萬元嘅錶畀自己，你估佢唔使買幾百萬元嘅鑽石畀太太咩」，諗落佢又幾參透做男人嘅「生存之道」喎！