中環出更：社工局改選 「大小激」惡晒

香港政治日趨激進化，而且沒有最激，只有更激，本來已經幾激嘅社福界亦不例外。社會工作者註冊局日前進行改選，八個由社工直選產生嘅議席，全部由「小激」嘅香港社會工作者總工會（社總）同「大激」嘅社工復興運動代表贏得，當中得票最高嗰兩位，更加係出名「勁激」嘅「佔中死士」邵家臻、以及疑曾向警員淋不明液體嘅公民黨成員曾健超，而且兩人都話不排除會參加來年嘅立法會社福界功能界別選舉。只屬「小激」嘅現任社福界議員張國柱欲成功連任，估計有一定難度。