沙田：過路發聲器 損毀恐漏電
黃小姐十月下旬行經沙田鄉事會路與源禾路交界時，發現有交通燈柱上的電子行人過路發聲裝置損毁，擔心途人行經時或會誤觸裝置內的電線，造成危險，「我過咗兩日再經過都仲係見到成個黃色蓋甩咗，啲電線就咁露晒出嚟，萬一有啲小朋友貪玩去摸啲電線，容乜易會觸電！」
促運署徹查被破壞原因
運輸署發言人證實，有關燈柱上的按鈕疑遭人為破壞損毀，隨即要求相關部門進行緊急維修，並已完成更換按鈕，有關裝置已回復正常運作。
「如果係人為損壞，佢哋係咪應該查吓到底點解同咩人做呢？如果唔係整完都有機會再畀人整爛多次。」黃小姐認為運輸署僅維修了事並不足夠，要求當局留意是否有人惡意破壞，並應不時四出巡查有否同類情況。