上月三十日，有跟車保母於深圳灣口岸過關「睇漏眼」，遺留一名跨境學童在校巴內，引致深圳灣口岸車輛出境通道一度受阻。有旅遊巴業界人士指，是次意外反映了各個口岸的車輛出入境數目過多，以及上落客車位嚴重不足，司機往往要「趕住走」而忽視學童安全。
「放學時間長期都係車接車，校巴司機就算有心檢查啲學生，係咪全部落晒車，都冇時間畀佢咁做啦，唔驚畀後面啲車鬧咩。」香港旅遊巴司機工會前副主席張國財指，口岸落車位除了要應付校巴外，同時亦要照顧旅遊巴及其他公共交通工具的乘客需要，非常繁忙，因此司機「趕住走」是人之常情。
張建議，政府可考慮於各個口岸加建校巴專用上落客位，除可有效分流不同類型車輛，更容許保母及司機於學童下車後花更多時間檢查及照顧學童，意外自然可以減少。