政情：八網難逃：晒舊照 「克勤」自命似「城城」
廿多年前嘅舊相曝光，自不然會勾起大家不少回憶！立法會議員陳克勤於社交網站，上載一張九二至九三年度嘅學生獎勵計劃舊照，自言當年已對鏡頭好有觸覺，又提及在其身旁嘅黨友、中西區區議員陳學鋒，形容對方當年「好瘦」，有黨友更留言話差點認唔出陳學鋒。
陳克勤接受查詢時話，這張舊照係源於漢華中學七十周年翻查舊資料後才曝光，並指原來依家立法會有四名「漢華人」，除了佢本人之外，還有兩名黨友葉國謙與梁志祥，以及旅遊界議員姚思榮。
陳學鋒在旁「傍住」
對於有網民留言指當年似歌星黃凱芹，陳笑言當年髮型較似另一名歌星郭富城，另一名舊相主角陳學鋒亦應黨友及網民追問講及自己於舊相中嘅位置，自言「梗係傍住克勤議員」。