粵劇造型翻糖蛋糕 國際賽稱霸
【記者鍾君容報道】不少女士都製作過蛋糕，但烹弄翻糖蛋糕卻未必人人會。精緻如藝術品的翻糖蛋糕造型多變，英美流行多年，但太甜膩一直未受亞洲人歡迎。不過，近年「相機食先」熱潮反令「食得又睇得」的翻糖蛋糕在港大熱，幾年間網上蛋糕店多達四十間，其中一對八十後夫妻成功創業，辦實體店開班。兩夫妻開業初期曾因太年輕被「睇死」，「你哋咁後生，得唔得（口架）！」幾經艱辛終憑特色翻糖蛋糕，在英國國際蛋糕賽用上香港特色的粵劇人物，以及李小龍造型的翻糖蛋糕，擊敗全球千多名對手，奪得雙金獎及全場國際大獎。
80後夫妻創業 捱出頭來
廿六歲老闆娘Jess，初學弄翻糖蛋糕完全是為了想獲當年的男朋友、現時丈夫Kalvin的歡心，「後來順便影相放上Instagram，慢慢多咗人留意，仲有人叫我開班教學。」兩人婚後決定創業，創立「Pandora Cake Shop」開班教學。
Jess的店舖只有簡單裝潢，擺滿翻糖蛋糕便是最好的裝飾。夫妻倆創業全憑「勇」字當頭，Kalvin坦言：「我哋冇相關資歷或證書，只係老婆以前做過美甲同珠寶，我喺外國讀書時喺蛋糕店打過工，全部都係經驗嘅累積。」更指，開始時連家人和朋友都不支持，又有不少前來學整蛋糕的人以貌取人，感覺二人太年輕「未夠班」。
Jess指，香港社會「咩都講證書」，其實證書只是一張紙，獲得別人認同才最重要，今次在國際賽事中奪獎，已是對自我肯定的最大「證書」。兩夫妻開業一年半，雖仍未完全回本，生育計劃也無限期延遲，但Jess說，網絡平台是年輕人很好的創業機會，鼓勵計劃創業者要大膽踏出第一步，「衰咗咪重新嚟過，咁後生將來一定有大把機會。」