在剛結束嘅區議會選舉中，有人豪花數萬元拉票宣傳都落敗，但亦有人不費分毫、零開支也能當選。早前喺無對手下自動當選嘅元朗十八鄉西選區嘅程振明、屏山中選區嘅鄧慶業、錦田選區嘅鄧卓然以及大埔太和選區嘅鄭俊和，向選舉事務處申報嘅選舉開支金額均為零。
新界區有多人只花數十至數百元就可以自動當選，包括元朗十八鄉東選區嘅沈豪傑、屏山南選區嘅張木林等。
在十八鄉中選區自動當選嘅十八鄉鄉事委員會主席梁福元兒子梁明堅，就只係使咗四十元用於拍攝個人照片。佢將與身兼元朗當然議員嘅梁福元組成父子檔服務區議會。
不過亦有人使幾萬元先至自動當選。屯門翠興選區朱耀華使咗三萬幾，但佢獲所屬嘅新民黨資助，實際上只自掏腰包約五百蚊。