中環出更:饒老佳畫 名人共賞

國學大師饒宗頤以學術研究聞名於世,亦擅長書畫等藝術領域,唔少政商界名人都係其墨寶、字畫的收藏者。早前「香江藝韻——饒宗頤教授百歲學藝展」開幕時,好多饒老嘅粉絲到場支持,包括饒宗頤學術館之友會長陳邱敏英及香港潮屬社團總會首席會長高佩璇,佢哋今次有份將珍藏嘅饒老作品拎出嚟展覽,公諸同好。

仁濟醫院總理孫蔡吐媚與丈夫兼饒宗頤學術館之友創會會長孫少文、女兒孫燕華都有到場。自細受到爸爸薰陶喜愛欣賞藝術作品的孫燕華指,童年時愛睇漫畫家蔡志忠的作品,好似西遊記系列咁,甚少睇其他同學愛看嘅日本動漫。佢仲話嚟緊希望開始學習國畫,不過要先搵師傅教授書法,等手字寫得夠好之後再慢慢學。

展逾百作品 包括香港風光

同場仲有叙福樓集團創辦人黃耀鏗及太太,佢哋與饒老相識多年,仲話饒老對人非常上心,仲好錫佢哋個仔黃傑龍,時不時送畫畀佢喎!

今次展覽共展出一百零八幅作品,包括饒老筆下的香港風光、他獨自及與友人共同創作的各式繪畫與書法,另有逾二百本著作包括學術作品、圖錄及文學創作等。香港大學饒宗頤學術館副館長(藝術)鄧偉雄估計,約有五分之一展品從未展出過。

卓妮

第一手消息請下載on.cc東網iPhone/iPad/Android/Windows Phone Apps