政情：公民講場：孫公出舊橋 「打救」吳得掂

小三全港性系統評估（TSA）爭議不絕，曾任教育局局長嘅孫明揚（孫公）尋日喺電台節目話，當年佢曾親自查看TSA練習，發現內容艱深得「好離譜」，批評啲書商為賺錢將TSA課本愈出愈深，令學生叫苦連天，建議當局倣效佢當年提出喺全港抽樣百分之五嘅學生考TSA，以減少學生操練誘因。不過，網上有人質疑孫公「馬後炮」，點解佢喺任內時唔解決呢？亦有人話即使只係抽樣考TSA，學校都必定為備考而繼續操練學生，無助解決問題。究竟今次孫公係想幫教育局局長吳克儉吖？定係純粹踩多腳害吳克儉呢？