中環出更：李漢奸陳日君又密會肥佬黎
區議會選舉後，壹傳媒集團前主席黎智英（肥佬黎）、外號「李漢奸」嘅民主黨（白鴿黨）創黨主席李柱銘及天主教香港教區前主教陳日君又再密會。話說李漢奸夫婦與陳日君尋晚又去咗肥佬黎屋企密會。適逢泛民主派幾位「大佬級」人物，包括有「AV仁」之稱嘅白鴿黨立法會超級議員何俊仁都慘敗，唔知係咪被指為泛民最大金主嘅肥佬黎要叫齊人開會「照肺」呢？
肥佬黎匿樹後送客
尋晚六點幾，李漢奸夫婦揸車去到肥佬黎何文田嘉道理道嘅寓所，大約十分鐘過後，陳日君亦由肥佬黎嘅司機接載到達。三人抵達時，都係木無表情，並非如一般人去朋友屋企食飯歡聚嘅歡樂心情。直至晚上九時、即大約兩個半小時過後，李漢奸夫婦與陳日君一同離開，肥佬黎就匿喺樹後送客，只隱約見到佢半個頭，非常鬼祟。
今次區議會選舉，白鴿黨除咗AV仁老巢被剿外，幾位現任區議員都未能順利連任，未知今次密會係咪肥佬黎召開嘅問責大會呢？抑或有其他大計，相約密謀攪局呢？
卓妮