勵德邨：無閘卡逼走罅 「欄」倒電單車

「房協一直漠視我哋電單車車主嘅需要，咁多年嚟我哋都冇停車場張出入閘卡！」勵德邨住戶薛先生租用邨內電單車泊位多年，一直未獲發停車場出入閘卡，每次均需由閘欄旁的空隙進出停車場。近日停車場更換出口處的閘欄，惟新閘欄遠較舊閘欄為長，導致閘欄的空隙僅可讓一部電單車勉強通過，電單車的倒後鏡更隨時會撞到閘欄，對電單車車主構成極大不便。