特技風箏約三百元至一千元不等，吸引一眾愛刺激的風箏玩家轉玩。風箏愛好者指，傳統風箏只會放到天空，而特技風箏則可在地面或有限高度作不同花式，飛行速度亦較快，較有挑戰性。但特技風箏與地面距離近，所用的風箏線韌度高，操控不當，更容易傷及途人。
「傳統風箏放咗上去（天空）冇咩做到，冇咁易傷到人，但特技風箏唔係要放得高，玩家係要喺有限高度做動作，整親人的機會大增。」風箏達人胡先生指，特技風箏以兩條或四條拉力大及韌度高的風箏線控制，並在地面及有限高度以高速作出各種花式。他指，特技風箏只適合在空曠及人少的地方玩，例如數碼港及清水灣郊野公園，「如果有人喺附近，就唔應該將風箏升空或降落。」
香港風箏網陳先生則指，特技風箏多為高一點八米至二點五大小，風箏線多寡與操控風箏的穩定性有直接關係，「特技風箏的高度會被風箏線限制咗，一般飛到三層至四層樓高，初哥如果唔識控制，風箏不但易跌落地，仲會整親人，但其實傳統風箏都會傷到人，最緊要係揀喺適合嘅地方玩。」