政情：楊偉雄冇偷懶有證「明」
新官上任三把火嘅創新及科技局局長楊偉雄（Nic），一上場就宣布九項施政大計，仲話要加快腳步追番蹉跎咗嘅時間。早幾日我哋見到曾任英國電腦學會香港分會主席嘅IT界靚女李煥明（Wendy），梗要打聽吓Nic有冇開始約見業界聽意見啦。Wendy就坦言，收到風Nic將會約見唔同嘅學會或組織會面，證實Nic真係冇偷懶。
Wendy係全球知名IT公司嘅港澳台高層，佢話比起鄰近地區，香港科技方面嘅進步確係慢咗，所以要加快腳步追落後。對於Nic講嘅九項工作，佢對邊一項最期待呢？Wendy話最期待係親身聽Nic講解未來工作喎！Wendy身旁嘅老友博愛醫院副主席陳李妮（Lily）就話，其丈夫都係IT人，所以梗係希望創科局快快做出一番成績，令香港科技水準唔好落後過人啦！