中環出更：睇好醫療市場志識投資

晚宴籌備委員會主席鮑誠業及好友方志基（Nigel）都有同感，講講吓，一向好有投資觸覺嘅Nigel自爆話，繼早前睇好威士忌市場，喺蘇格蘭買入酒莊釀酒應市後，最近佢又買入三間體檢中心及一間化驗所，下一步打算夥拍新加坡資金進軍中港及星洲嘅醫療管理市場，因為隨住人口老化，健康管理愈來愈重要。

丘雪祺設計靚衫配名模

當晚出席嘅仲有名媛趙曾學韞、吳子文太太蔡雪亮、仁濟醫院主席林煒珊（Vanessa）等人，仲有一眾設計界菁英，包括獲得十大傑出設計師大獎嘅珠寶設計師孫譽文及服裝設計師丘雪祺（Cecilia）等人。Cecilia同時榮獲最具影響力企業形象及制服設計大獎，難怪成晚開心到飛起。Cecilia亦為晚會設計一系列華麗晚裝，由城中名模盡情演繹，靚衫靚人，睇到個個入晒神。

吳子文（右二）及蔡雪亮（左一）為仁濟搞籌款，林煒珊（左二）好感激；右一為趙曾學韞。（陳嘉順攝）

丘雪祺為晚宴搞場時裝表演，大騷設計功力。

Vanessa就透露，仁濟正籌備成立新基金，目的係帶香港學生到一帶一路沿線嘅小國家，體驗吓小國文化及擴闊眼界，冀減少佢哋對香港現況嘅不滿。

卓妮