房署商場休憩處 設施遲開早關

油塘大本型商場約於二○一二年啟用，商場雖由上午七時便開始營業，但附近居民李小姐指出，商場天台的空中花園卻並非同步開放，坦言開幕初期亦曾「中伏」，被迫與女兒在商場內「呆等」，「天台個花園有老人家同小朋友啱用嘅設施，逢星期六、日都有老有嫩喺商場入面等個花園開，有幾次都見到一家大細嚟到先知個場開十一點，搞到白行一趟！」

緩跑徑「早晚都用唔到」

同樣經常到訪空中花園的周小姐亦不滿園內緩跑徑開放時間「騎呢」，認為安排失當，「緩跑徑喺小園圃入面，但係小園圃平日就開晏晝兩點到六點（假日為上午十一時至晚上七時），朝早跑唔到、夜晚放工又冇得跑，下晝跑又猛太陽，即係難為居民！」周小姐要求商場盡快調整休憩設施開放時間，方便居民使用。

大本型商場的空中花園深受區內居民歡迎。	小園圃內設有緩跑徑，吸引不少居民前往練跑。	周小姐不滿小園圃開放時間「兩頭唔到岸」，經常未能往上址跑步。

記者曾數次實地視察，發現花園每逢開放前，皆有長者在出入口等候，亦有數個家庭選擇在商場閒逛，直至通往花園的扶手梯開啟後才能進場。空中花園亦有籃球場，惟於晚上七時關閉，市民難以使用。

居民意見 張先生：「個籃球場收七點撞正放工時間，唔食晚飯都趕唔切去打！」

陸婆婆：「老人家想早啲嚟晨運都唔得，幾次問保安都話唔會改時間！」

發言人稱已盡量取得平衡

大本型服務處發言人表示，空中花園的人流主要集中在下午及晚上時段，開幕至今共接獲五宗不同團體就開放時間提出的查詢，期間曾就部分設施的開放時間作出調整，又指為配合場內大部分店舖的營業時間、商場管理安排及對鄰近居民的影響等考慮因素，因此場內個別設施的開放時間各有不同。

發言人補充，現時空中花園的開放時間為上午十一時至晚上十一時，重申園內設施的開放時間已盡量在商場管理、商戶營運、周邊住戶的意見和設施使用者的訴求中取得平衡。

「難得個場設計得咁靚，但開放安排配合唔到居民作息，少咗人用就真係好嘥！」觀塘區議會地區設施管理委員會委員謝淑珍建議房署作調整，以免糟蹋設施，「公園營運保養都需要錢，房署應該根據每種設施唔同時段嘅使用率去彈性調整，公帑先至用得其所！」

記者：陳瑋珩