審計署報告尋日揭發多項環境政策流弊，除咗誇大廢物回收成效外，又一直對外宣稱三個堆填區即將飽和，但實際距離飽和尚有一段日子。環保署就死撐話，有關估算時係假設部分堆填容量會留作其他用途，以及在堆填區棄置嘅廢物將按年遞增，結果被審計署批評當局未有向立法會交代呢啲可量化資料同假設。呢件事表面上好似係環保署錯估堆填區壽命，但實際係咪有心造出堆填區爆滿嘅假象，為興建垃圾焚化爐等厭惡性設施開路，真係環境局局長黃錦星先知喇！
