本港大學內部紛爭不斷，先有港大副校長任命及校委會風波，早前浸會大學校唯一校長候選人諮詢會又遇到衝擊事件，日前嶺南大學畢業禮又有畢業生示威，無論領導層及校董都吃力不討好。身兼浸大校董嘅大律師公會主席譚允芝（Winnie）就話，既然接受咗校董職位，又有能力，當然要做好校董工作，仲話唔會因為一兩件事就對校董一職心灰意冷添！
Winnie又重提浸大衝擊事件，佢當時在場覺得好震驚，但事後發現有衝擊人士並非學生，加上已過咗幾個月，心境已經平靜下來。佢明白當時社會氣氛分化，加上學生唔係無道理，認為衝擊只係表達方式出問題，希望學生可以「似大人做事」，仲建議學生同校方要加強溝通。
不過，似乎Winnie最介懷係當日被困幾個鐘後，反被學生指摘「尸位素餐」。Winnie就話自己當日無食嘢，唔明點解會被人咁話佢，希望學生遲吓能夠明白佢喎。