政情：袋巾傑卸任變卸膊
多名立法會議員早已表明不再參選，包括公民黨黨魁梁家傑（袋巾傑）都多次表示不再參選，有意交棒予年輕人，令政界中人都關注袋巾傑究竟真退定假退。不過，袋巾傑尋日在電台節目談到去留問題時，仍說得不肯定，一時話「例如我出年唔選」，一時又話「如果我退咗落嚟」，完全是「彈弓手」留後路以便隨時改變主意。雖然袋巾傑未講實放棄參選，但他已變成局外人，將行政立法關係差講到事不關己。
袋巾傑在電台節目主動提到，大家很關心「例如」他明年不參選，之後會做甚麼；之後又吞吞吐吐話：「我...... 如果真係......我嘅主觀願望係可以達成呢，如果我退咗落嚟呢，我諗我可以喺公民社會做多啲嘢嘅。」經常左一句「例如」，右一句「如果」，到底是口頭禪吖，定是留有空間給自己必要時轉身呢？
退下來仲想「打游擊」
不過，做戲做全套，袋巾傑講到「如果」退下來，就可以「打游擊」做自己想做的事，去團體或組織「講吓嘢、交流吓」，又大呻留在立法會開會好困身，「沒完沒了」，莫非他留在立法會並非他想做的事？為何又選完又選呢？
教市民遇「嗌交」勿多嘴
可能「人到唔選膽自大」，袋巾傑講起行政立法關係時，就即時變身局外人。他說有次同市民交談，佢話立法會和特首梁振英（CY）是阿爸或阿媽，兩公婆經常嗌交，又指政務司司長林鄭月娥最近成個「打女格」。袋巾傑就教該名市民，指父母嗌交，你做仔女當然不會在兩父母嗌到「(興)合合」時，伸個頭出來指阿爸或阿媽不是，應該在適當時候向父母講，這件事能否一人行一步。
聽完袋巾傑所說，真的很可笑，好似講到行政立法關係差事不關己，他作為泛民主派一員，可說是有份破壞行政立法關係，如果他遇到爭拗時可以理性抽身，不「火上加油」，行政立法關係會差到如此田地？