喜出望外，解作有意外嘅喜悅，但套用喺裸模Gemma Tardiani身上，就係指阿妹喜愛露出，同時向外展望咁解！佢話剝一次同剝十次嘅目的都係想多啲人欣賞，所以能唔能夠成功上位，剝一次就夠，唔使浪費時間！
有勇有謀嘅Gemma Tardiani，唔了解佢嘅人就以為係不學無術、貪慕虛榮嘅（口靚）模一個，事實上係阿妹讀書讀到厭，要出嚟見識吓大世界至真。來自西班牙嘅Gemma於英國威爾斯大學市場及公共關係科學士學位畢業，另修讀企業形象技巧、專業模特兒課程及營養學課程等，阿妹表示所讀嘅課程都係為投身社會做好準備，因此現階段最需要嘅係實戰經驗。而喺求學時期，阿妹兼職做Model，主要替潮流雜誌拍攝時裝硬照，極限係比堅尼演出，不過反應未如理想，佢留意到要吸引眼球，裸模比時裝Model更加吸引，對於唔介意展露胴體嘅Gemma的確蠢蠢欲動，之但係佢又自覺身材不夠同行姊妹爭，同時又擔心外界唔接受佢裸露，剝咗之後返唔到轉頭。
而世事就係咁奇妙，你愈唔敢做，愈有魔鬼慫恿你去做。喺2013年，一本男性雜誌邀約Gemma拍攝一輯濕身全裸照，阿妹覺得好有藝術感，但最後佢都係拒絕咗。同年佢返回家鄉西班牙繼續做Model，有攝影師搵佢拍攝一輯黑白裸照，阿妹一口應承，理由係冇人認得出佢喎！
究竟係Gemma太天真？定巴打真係咁蠢呢？男人可以唔認得女友，但對裸女可以過目不忘，Gemma處女下海拍黑白裸照後，令到英國同西班牙巴打都為之瘋狂，唔只記得佢係當年潮流雜誌Model，更喺網上洗版要求佢多啲露肉。自寫真出街後，Gemma話每日接到過百成人傳媒約佢做訪問及拍裸照，估唔到一輯黑白寫真，反應非常熱烈，令阿妹喜出望外，之後佢喺多個唯美成人網站演出，更成為英國及西班牙《Playboy》常客。
回顧過去兩年，Gemma話未放過假，每日都係不停工作，能夠同時喺時裝界同裸模界都咁受歡迎，阿妹自言非常幸運，亦因為兩邊各走極端，當事人話更清楚自己追求啲乜。早前Gemma接受成人網站訪問，比較兩種Model生活時，佢話時裝Model永遠都係配角，身上衫褲先係主角，相反當裸模，永遠都係主角，假如只能二選其一，阿妹必定會揀做裸模喎！Gemma妹咁講，巴打可以放心啦！
個人網站
簡介：Gemma妹喺裸模界咁成功，又點會冇個人網站呢？雖然講多相一定唔及坊間粉絲網站，兼且仲有討論區方便巴打暢所欲言，但係呢個網站勝在由阿妹親自主理，有最靚最正嘅寫真，仲有第一手消息，Gemma更不時寫Blog同粉絲分享心事添！
網址：http://gemmatardiani.webnode.es/photogallery/
Gemma Tardiani's Profile
出生日期：1994年2月1日
三 圍：35B-24-35
身 高：5呎5吋
撰文：祖