荃灣：九巴40X被指行車道上客

「呢個巴士站同燈位好近，我見過幾次啲巴士喺燈位畀人上客，乘客被迫行出馬路上車，見到都牙煙，九巴都唔知有冇教啲車長！」張先生近月於荃灣石圍角新邨巴士站候車，發現一架前往烏溪沙的九巴40X未有停站，反而在巴士站前方的行人過路處上客，令交通一度受阻。張擔心乘客於行車道上車會構成危險，不滿車長罔顧乘客安全，要求九巴檢討問題，並對涉事車長作出指導和採取紀律處分。