香水被唔少女士視為另一層衣服，不過時下潮男對香水同樣趨之若鶩。喺法國投資自家香水品牌嘅仁濟醫院總理鄭李華熙（Winnie）話，香水嘅味道一向男女有別，中性香水市場較少人做，所以早幾年佢哋喺法國推出中性香水，結果大受歡迎，仲得咗獎添！Winnie笑笑口話，佢都好鍾意呢隻中性香水味，但就唔係好明白點解男士會鍾意喎！咁又係嘅，難怪研究香水嘅專家都要識啲心理學喇！
