行文學徑變遊車河

「啲景點散收收，唔通要我帶住仔女通山走？連貫性差成咁，根本就係文學『點』而唔係文學『徑』！」李先生早前得知南區區議會開設文學徑，以紀念文人雅士在本港留下的足迹，惟攜同子女前往時，卻因各景點散布在赤柱、香港仔及淺水灣，以致花費大量時間在交通上，「原本諗住『文化遊』，結果變咗做『巴士遊』！」

遊人失望「唔覺學咗啲咩」

李又認為景點設計雖見理念，惟整體配套有欠完善，直言對專程遊覽感到掃興，「係設計得好有心思，但係去到淨係見到幾張櫈、幾個銅牌同文字簡介，難免會覺得好失望，又唔覺得學咗啲咩。」

設於香港仔華人永遠墳場門口的「漫步過去」，鮮見途人駐足觀賞。	開放不足半年，其中一張長櫈已因待修而圍封。	位於赤柱的「井字遊戲」為紀念學者胡適所設，同為南區文學徑地標。

記者日前到訪南區文學徑，期間遇上一名在赤柱就讀的女學生，她坦承不知學校對面已設置紀念胡適的「井字遊戲」，而設置於淺水灣泳灘的「張愛玲香港之旅」，則被遊客批評有欠吸引，亦有長櫈開放不足半年即需維修而圍封。

市民點睇 泰國遊客 Thanany：「坐在長椅看不見海景，也不清楚為何有裝飾，覺得不太吸引。」

黎同學：「冇留意過嗰度有個展品，建議放喺更加當眼嘅地方。」

民政事務總署發言人表示，自一○年起籌劃南區文學徑，構思源自著名作家小思的《香港文學散步》，以蔡元培、張愛玲、胡適、許地山及蕭紅等五位文學家的足迹串連而成，工程費用由區議會地區小型工程撥款負責，擬建的五個地標現已完成三個。但發言人未有交代工程詳細費用，僅指「張愛玲香港之旅」耗資約一百六十萬元、代表蕭紅的地標「飛鳥三十一」預計算約二百萬元，而代表許地山的地標「樸」則預算二十萬元。

民政署：導賞牌有資料介紹

發言人又指，當時邀請香港理工大學設計學院學生設計地標，其後由各代表作評審，選出十九個入圍作品作公開展覽，再經公眾網上投票及最後評審。發言人續稱，地標所設的導賞資料牌已介紹有關人物及其與南區的關係，以及設計意念，掃描上面的QR碼亦可獲取交通安排等資料。

「件事原意係好，但規劃嗰時就冇喺用家角度出發，畀人感到好似草草了事咁！」城市大學專業進修學院學術統籌宋立功指近年政府推動文化的政策欠缺全盤計劃，以致本港多年仍予人「文化沙漠」之感。

記者︰呂耀焜